| lau 07.okt 2023 12:51 Mynd: Fótbolti.net - Hafliði Breiðfjörð |
|
Bestur 2023 - Neistinn sem kveikti þetta bál
Fótbolti.net velur vængmanninn Birni Snæ Ingason besta leikmann Bestu deildarinnar 2023. Hann hefur leikið við hvurn sinn fingur á tímabilinu og verið lykilmaður í liði Víkings sem vann bikarkeppnina og Íslandsmeistaratitilinn.
Birnir Snær er í fjórða sæti yfir flest mörk + stoðsendingar í deildinni og er sífellt ógnandi enda með næstflestar skottilraunir á tímabilinu.
„Klárlega einn skemmtilegasti karakterinn í Bestu deild karla. Viðtalið við hann fyrir tímabilið þar sem hann kom út úr skelinni og sagðist vera læra fatahönnun og skaut á fótboltamenn, ég vil meina að það hafi verið neistinn sem kveikti þetta bál," segir Benedikt Bóas Hinriksson, sérfræðingur útvarpsþáttarins Fótbolti.net.
06.04.2023 14:36
Á bólakafi í tísku og lærir fatahönnun - „Verst klæddu menn heims eru fótboltamenn"
„Þá vissi maður að hann væri búinn að finna sína hillu í lífinu og þegar það er þannig þá gerast yfirleitt góðir hlutir. Hann hefur eiginlega verið óstöðvandi síðan þetta viðtal birtist. Skorandi, leggjandi upp, taka menn á og skemmt áhorfendum í allt sumar."
„Erfitt að halda því fram að hann eigi þetta ekki skilið," segir Valur Gunnarsson. „Hann er með ellu mörk, fáránlega skemmtilegur og áræðinn og það er alltaf hætta í kringum hann þegar hann er með boltann."
Sjá einnig:
Bestur 2022 - Ísak Snær Þorvaldsson (Breiðablik)
Bestur 2021 - Kári Árnason (Víkingur)
Bestur 2020 - Steven Lennon (FH)
Bestur 2019 - Óskar Örn Hauksson (KR)
Bestur 2018 - Patrick Pedersen (Valur)
Bestur 2017 - Andri Rúnar Bjarnason (Grindavík)
Bestur 2016 - Kristinn Freyr Sigurðsson (Valur)
Bestur 2015 - Emil Pálsson (FH)
Bestur 2014 - Ingvar Jónsson (Stjarnan)
Bestur 2013 - Baldur Sigurðsson (KR)
Bestur 2012 - Freyr Bjarnason (FH)
Bestur 2011 - Hannes Þór Halldórsson (KR)
