Bestur 2021 - Hvernig áttu að tapa með hann í liðinu?

Sjá einnig:
Innkastið - Lokahóf eftir magnað tímabil

„Við vitum hvað Kári gerir fyrir Víking, og ekki bara inni á vellinum heldur fyrir félagið allt í heild," segir Elvar Geir Magnússon í Innkastinu.

„Í viðtali við Gulla Jóns eftir sigurinn gegn Leikni talaði hann um að vera sigurvegari snúist ekki bara um að vinna titla, heldur að vera tilbúinn í leikinn og gera allt sem þú getur til að tapa ekki. Ég fór næstum því að gráta þegar ég horfði á þetta, ekki furða að við unnum þetta mót. Hvernig áttu að tapa með þennan mann í liðinu," segir Tómas Þór Þórðarson.

Tómas velti því fyrir sér í þættinum hvort leikmenn hafi ekki valið Kára bestan vegna þess hversu óþolandi hann er fyrir andstæðingana inni á vellinum. Nikolaj Hansen eigi þó allt hrós skilið en leikmenn völdu hann bestan.