Ólafur Jóhannesson, þjálfari Vals.
„Við erum að fara að spila við eitt af stærri liðum Skandinavíu. Möguleikar okkar á morgun eru ágætir held ég," sagði Ólafur Jóhannesson, þjálfari Vals, í gær þegar hann ræddi við blaðamenn fyrir leik Vals og Rosenborg í 1. umferð forkeppni Meistaradeildarinnar.
Þetta er fyrri leikur liðanna og er hann á Origo-vellinum að Hlíðarenda. Hann hefst klukkan 20:00 í kvöld.
„Rosenborg spilar týpiskan 4-3-3, það er ekki flóknara en það. Fljótt á litið virðist munurinn vera sá að þeir eru í betra standi en við, þeir eru með betri hlaupagetu en við. Fótboltalega eru þeir ekki mikið betri en við, ef þeir eru nokkuð betri en við."
„Í gegnum tíðina höfum við fengið á okkur mörk á heimavelli í Evrópukeppnum, það er mjög slæmt. Til að byrja með ætlum við að verja markið eins lengi og við þurfum og getum. Svo sjáum við til hvað leikurinn býður upp á."
„Þetta er ekki sama stórlið og var fyrir einhverjum x árum en stórlið eru þeir vissulega, frábært lið."
Viðtalið er í heild sinni hér að ofan.
Miðasala á leikinn fer fram hér.
Sjá einnig:
Þjálfari Rosenborg: Valur alls enginn draumadráttur
Athugasemdir
