Þjálfararnir Heimir Guðjónsson og Kristján Guðmundsson.
„Þetta er stærsti leikur sumarsins og það eru forréttindi að fá að taka þátt í þessum leik. Við höfum ekki komist í úrslitaleikinn síðan 2010 svo við erum fullir tilhlökkunar," segir Heimir Guðjónsson, þjálfari FH, fyrir bikarúrslitaleikinn gegn ÍBV á morgun.
Þrátt fyrir sigursæld FH-inga hefur liðið ekki verið tíður gestur í bikarúrslitum. Heimir segir að ástæðan sé meðal annars sú að áherslurnar hafi verið á öðru.
Þrátt fyrir sigursæld FH-inga hefur liðið ekki verið tíður gestur í bikarúrslitum. Heimir segir að ástæðan sé meðal annars sú að áherslurnar hafi verið á öðru.
„Við höfum einfaldlega ekki náð okkur á strik í þessari keppni í gegnum tíðina. Við höfum verið að detta út á mismundandi tímum en nú erum við komnir alla leið og það er tilhlökkun."
FH-ingar eru mun sigurstranglegri fyrir leikinn enda ÍBV verið í fallbaráttu í Pepsi-deildinni undanfarin ár.
„Þetta er bara einn leikur og ÍBV liðið er gott. Það eru margir góðir leikmenn í liðinu og þeir hafa klókan þjálfara sem hefur unnið þennan titil. Við vitum að þó við séum sigurstranglegri þá þurfum við virkilega að hafa fyrir hlutunum til að vinna þennan bikar."
Hvernig býst Heimir við því að ÍBV muni mæta í þennan leik?
„Þeir munu byrja þennan leik sterkt. Fyrstu 20-25 mínúturnar munu þeir koma út og setja okkur undir pressu, reyna að ná inn marki og leggjast svo til baka og beita skyndisóknum," segir Heimir.
Heimir var svo spurður að því að lokum hvort nýju útlendingarnir tveir yrðu með í leiknum á laugardag en viðtalið má sjá í heild í sjónvarpinu hér að ofan.
Athugasemdir
