Elvar Geir Magnússon er staddur út í Færeyjum þar sem hann fylgir Brynjari Hlöðverssyni og Heimi Guðjónssyni í ævintýrum þeirra með HB frá Þórshöfn í toppbaráttunni.
HB lagði Skála að velli í dag með þremur mörkum gegn engu og segir Heimir að nú verði menn að einbeita sér að mikilvægum toppbaráttuslag gegn NSI frá Rúnavík næsta sunnudag.
HB lagði Skála að velli í dag með þremur mörkum gegn engu og segir Heimir að nú verði menn að einbeita sér að mikilvægum toppbaráttuslag gegn NSI frá Rúnavík næsta sunnudag.
„Við lentum í pínu basli í fyrri hálfleik en við náðum að standa þetta af okkur, skora gott mark og svo komum við feykilega sterkir inn í seinni hálfleikinn og unnum 3-0. Það er mikilvægur leikur á sunnudaginn og við þurfum að fókusera á það," sagði Heimir eftir sigurinn.
Heimir reyndi að fá fleiri Íslendinga til HB fyrir mót en það gekk ekki. Hann segir það óumflýjanlegt að fleiri samlandar bætist við hópinn í sumar.
„Það var vesen að glugginn lokar hérna 15. mars. Þá ertu með leikmenn sem þjálfarar eru ekki tilbúnir að lána svona snemma því eins og við vitum þá byrjar Íslandsmótið í lok apríl. Þannig ég reyndi eitthvað en það gekk ekki eftir.
„Vonandi gengur betur í sumar, ég held að glugginn opni 15. júní eða í byrjun júní. Ég held það sé óumflýjanlegt að það bætist fleiri Íslendingar við, ég er pottþéttur á því.
„Ef þú tekur stráka sem eru í góðum liðum í Pepsi-deildinni og vilja fara á lán, þá held ég að það sé miklu betra að koma hingað og spila frekar en að fara í næstu deild fyrir neðan, með fullri virðingu fyrir Inkasso-deildinni sem er hörkudeild."
Heimir segist vera á höttunum eftir um það bil einum leikmanni í hverja línu, því er ansi líklegt að nokkrir Íslendingar fari að spila í Færeyjum í sumar.
Athugasemdir
