Atletico Madrid skoðar möguleikann að fá Matheus Nunes á láni frá Manchester City en The Athletic greinir frá þessu.
Man City hefur ekki fengið tilboð í portúgalska miðjumanninn en talið er að félagið sé tilbúið að láta hann fara eftir að Ilkay Gundogan gekk aftur til liðs við félagið frá Barcelona á dögunum.
Nunes gekk til liðs við City frá Wolves síðasta sumar en félagið borgaði rúmar 50 milljónir punda fyrir þennan 25 ára gamla miðjumann.
Hann kom við sögu í 28 leikjum í öllum keppnum fyrir City á síðustu leiktíð. Hann kom inn á sem varamaður í 4-1 sigri City gegn Ipswich um helgina en kom ekkert við sögu í sigri liðsins gegn Chelsea í fyrstu umferð.
Athugasemdir
