Í síðasta mánuði stóð Augnablik fyrir minningarleik um Pétur Benediktsson þegar þeir mættu Hvíta riddaranum í 3. deild. Leikurinn fór fram 12. júlí en þann dag hefði Pétur orðið fertugur. Hann féll frá árið 2006 þegar hann var aðeins 21 árs gamall.

Pétur var helsti hvatamaður þess að koma Augnablik aftur á lappirnar árið 2006 eftir að félagið hafði legið í dvala um árabil, en Augnablik hefur starfað óslitið síðan. Hann var einnig virkur félagsmaður í Breiðabliki og sat í ráðum og nefndum ásamt því að sinna yngri flokka þjálfun.

Augnablik vildi nota þessi tímamót til að skapa umræðu um sjálfsvíg og vekja athygli á frábæru starfi Píeta samtakanna. Leikurinn var vel sóttur og spilaði Augnablik í sérstökum minningartreyjum sem voru einnig til sölu og seldust upp á örskotsstundu.

Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið.

Þá er hægt að nálgast upplýsingar um Píeta samtökin hérna.