Dani Olmo getur loksins spilað sinn fyrsta leik fyrir félagið í kvöld en félagið hefur verið í vandræðum með að skrá hann í hópinn.
Hann hefur ekki getað spilað fyrstu tvo leiki tímabilsins þar sem fjárhagsreglur spænsku deildarinnar hafa komið í veg fyrir það en Barcelona hefur glímt við fjárhagsvandræði í dágóðan tíma.
Spænskir fjölmiðlar hafa greint frá því að málið sé leyst og hann getur því verið í liðinu þegar Barcelona mætir Rayo Vallecano í kvöld.
Olmo gekk til liðs við Barcelona frá RB Leipzig í Þýskalandi. Kaupverðið er 55 milljónir evra en það getur hækkað um sjö milljónir með árangurstengdum greiðslum.
Athugasemdir