Vermeeren til Leipzig eftir hálfs árs dvöl hjá Atletico (Staðfest)
Mynd: EPA
Mynd: EPA
Arthur Vermeeren er genginn til liðs við RB Leipzig eftir aðeins rúmt hálft ár í herbúðum Atletico Madrid.
Vermeeren er 19 ára gamall belgískur miðjumaður en Leipzig fær hann á láni út tímabilið en liðið festir kaup á honum næsta sumar ef hann spilar ákveðið mikið fyrir félagið.
Hann kom aðeins við sögu í fimm leikjum í La Liga á síðasta tímabili en Atletico keypti hann fyrir 18 milljónir evra frá Royal Antwerp í janúar.
Fari hann alfarið til Leipzig næsta sumar mun þýska félagið borga 20 milljónir evra fyrir hann en Antwerp fær 10% af söluverðinu.
