Miðjumaðurinn efnilegi Stefan Bajcetic verður að öllum líkindum lánaður burt frá Liverpool í sumar til að öðlast reynslu áður en hann getur barist um sæti í byrjunarliðinu á sterkri miðju liðsins.
Útlit var fyrir að Bajcetic færi til RB Salzburg í Austurríki á láni en nú hefur spænska stórveldið FC Barcelona ákveðið að skerast í leikinn með sínu eigin lánstilboði.
Barca er reiðubúið til að borga 4 milljónir evra fyrir lánssamninginn, en honum fylgir ekki kaupmöguleiki og því myndi Bajcetic snúa aftur til Liverpool næsta sumar.
Börsungum vantar að finna leikmann til að fylla í skarðið fyrir hinn efnilega Marc Bernal sem sleit krossband á dögunum.
Athugasemdir
