Skotlandsmeistarar Celtic hafa fengið vinstri bakvörðinn Alex Valle lánaðan frá Barcelona út tímabilið.
Valle er tvítugur og kom í gegnum La Masia akademíuna frægu. Hann hefur verið ónotaður varamaður í fyrstu tveimur leikjum Börsunga í La Liga.
Hann lék á láni hjá Levante í spænsku B-deildinni á síðasta tímabili.
Valle er tvítugur og kom í gegnum La Masia akademíuna frægu. Hann hefur verið ónotaður varamaður í fyrstu tveimur leikjum Börsunga í La Liga.
Hann lék á láni hjá Levante í spænsku B-deildinni á síðasta tímabili.
Hann er annað nýja andlitið sem Celtic fær til sín í sumarglugganum en áður hafði félagið tryggt sér markvörðinn Kasper Schmeichel. Þá gengu Adam Idah og Paulo Bernardo alfarið í raðir félagsins eftir að hafa verið á lánssamningum á síðasta tímabili.
Celtic seldi Matt O'Riley til Brighton í vikunni og stjórinn Brendan Rodgers segir að fleiri leikmenn gætu komið til Celtic áður en glugganum verður lokað á föstudag.
Athugasemdir