„Samkvæmt atvikalýsingum þeim sem lýst er í skýrslum eftirlitsmanns og dómara hafi HK virt að vettugi reglur um framkvæmd knattspyrnuleikja," segir í úrskurði nefndarinnar.

Í handbók leikja kemur skýrt fram að varamark sem auðvelt sé að setja upp verði að vera til taks. Eins og frægt er var annað markið brotið fyrir leikinn gegn KR sem átti að vera 8. ágúst og leiknum frestað.

KR kærði þá ákvörðun að fresta leiknum og fór fram á að fá dæmdan 3-0 sigur. Dæmt var að leikurinn skildi spilaður og vann HK 2-1 sigur þegar liðin mættust loks fyrir viku síðan í Kórnum.