Beck er 22 ára gamall og uppalinn hjá Liverpool en þetta er fjórði lánssamningurinn sem hann gerir á ferlinum.

Hann kom við sögu í einum leik með Liverpool á síðustu leiktíð, en hann á þrjá leiki í heildina.

Síðustu tímabil hefur hann verið á láni hjá Dundee United, Bolton Wanderers og Famalicao, en hann er enn einu sinni farinn út á lán og í þetta sinn til Blackburn Rovers.

Liverpool ætlar að losa sig við fleiri unga leikmenn fyrir gluggalok en miðjumennirnir Stefan Bajcetic og Tyler Morton gætu verið á leið á láni á næstu dögum. Bajcetic er sagður á leið til RB Salzburg í Austurríki á meðan Morton er orðaður við Bayer Leverkusen.