Manchester United virðist ætla, rétt eins og Chelsea, að vera með í kapphlaupinu um Ivan Toney á síðustu dögum félagaskiptagluggans.
Standard segir frá því að viðræður á milli Man Utd og Brentford hafi átt sér stað en þær eru á frumstigi. United hefur ekki enn lagt fram tilboð í hann þó það séu bara tveir dagar eftir af glugganum.
Standard segir frá því að viðræður á milli Man Utd og Brentford hafi átt sér stað en þær eru á frumstigi. United hefur ekki enn lagt fram tilboð í hann þó það séu bara tveir dagar eftir af glugganum.
Toney á innan við ár eftir af samningi sínum en Brentford er að vonast eftir 50 milljónum punda fyrir hann.
Framherjinn hefur verið utan hóps í fyrstu tveimur umferðunum í úrvalsdeildinni út af mögulegum félagaskiptum.
Al-Ahli í Sádi-Arabíu hefur boðið Toney risasamning en Chelsea og Man Utd geta boðið honum upp á að spila áfram í ensku úrvalsdeildinni.
Það verður fróðlegt að sjá hvað gerist hjá Toney áður en glugginn lokar á föstudaginn.
Athugasemdir