Ogbene til Ipswich (Staðfest)

„Ég er ofboðslega spenntur og tel mig heppinn að fá það tækifæri að spila aftur í úrvalsdeildinni," segir Ogbene.

„Ég átti mjög góðar samræður við Kieran McKenna (stjóra Ipsiwch) og hann hefur mikla trú á mér. Ég veit hvað hann vill frá mér."

Ogbene þótti hafa spilað vel í ensku úrvalsdeildinni á síðasta tímabili, þó hann hafi ekki getað komið í veg fyrir fall Luton úr deildinni.

Ipswich hefur verið að vinna í því að styrkja sóknarleik sinn, þar á meðal vegna þess að vængmaðurinn Wes Burns meiddist í 2-0 tapi gegn Liverpool í fyrstu umferð. Félagið er í viðræðum við Chelsea um albanska sóknarmanninn Armando Broja.