Evrópudeildarmeistarar Atalanta eru búnir að gera ýmsar breytingar á leikmannahópi sínum fyrir nýja leiktíð í ítalska boltanum og voru að krækja í nokkra nýja leikmenn á dögunum.
Atalanta var að bæta portúgalska markverðinum Rui Patrício við leikmannahópinn hjá sér eftir að hafa misst Juan Musso til Atlético Madrid á dögunum.
Rui Patrício er 36 ára gamall og kemur til félagsins á frjálsri sölu eftir að hafa verið hjá Roma síðustu þrjú ár, en hann hefur einnig spilað fyrir Sporting CP og Wolves á ferlinum.
Auk hans var Atalanta einnig að bæta serbneska miðjumanninum Lazar Samardzic við hópinn hjá sér en hann kemur úr röðum Udinese.
Samardzic kemur á lánssamningi með kaupmöguleika sem verður að kaupskyldu ef ákveðnum skilyrðum verður mætt, en þá mun Atalanta borga um 20 milljónir evra fyrir þennan öfluga leikmann sem var lykilmaður í liði Udinese á síðustu leiktíð.
Samardzic er 22 ára gamall og lék fyrir U21 landslið Þýskalands áður en hann byrjaði að spila fyrir A-landsliðið hjá Serbíu.
Atalanta er einnig búið að krækja í menn á borð við Nicoló Zaniolo, Juan Cuadrado og Mateo Retegui í sumar.
???? 3/4 Samardži? pic.twitter.com/r5C1jpR1VD
— Atalanta B.C. (@Atalanta_BC) August 28, 2024
Athugasemdir