Sveinn Aron Guðjohnsen.
Sóknarmaðurinn Sveinn Aron Guðjohnsen er að ganga í raðir Sarpsborg í Noregi en Nettavisen greinir frá þessum tíðindum.
Það kemur fram að Sarpsborg hafi þegar náð samkomulagi við bæði leikmanninn og núverandi félag hans, Hansa Rostock í Þýskalandi. Það eru bara smáatriði eftir.
Það kemur fram að Sarpsborg hafi þegar náð samkomulagi við bæði leikmanninn og núverandi félag hans, Hansa Rostock í Þýskalandi. Það eru bara smáatriði eftir.
Sveinn Aron mun skrifa undir fjögurra ára samning við Sarpsborg en planið er að hann gangi í raðir félagsins fyrir helgi.
Sveinn Aron, sem er elsti sonur Eiðs Smára Guðjohnsen, gekk í raðir Hansa Rostock í janúar á þessu ári og spilaði tólf leiki með liðinu í þýsku B-deildinni á síðustu leiktíð. Í þeim skoraði hann eitt mark, en hann byrjaði aðeins einn leik.
Hansa Rostock féll úr B-deildinni á síðasta tímabili en liðið leikur núna í þriðju efstu deild.
Sarpsborg er sem stendur í ellefta sæti norsku úrvalsdeildarinnar.
Athugasemdir
