Úlfarnir eru staðráðnir í því að styrkja leikmannahópinn sinn fyrir gluggalok á næstu dögum og eru svo gott sem búnir að krækja í brasilíska miðjumanninn André.

André er 23 ára gamall og er samningsbundinn Fluminense, en Wolves eru við það að ná samkomulagi við brasilíska félagið um kaupverð.

Úlfarnir munu borga rúmlega 20 milljónir punda í heildina fyrir André, sem var einnig eftirsóttur af Manchester United og Fulham í sumar.

André er varnarsinnaður miðjumaður að upplagi sem getur einnig leikið sem miðvörður.

Hann er lykilmaður í liði Fluminense og á 5 A-landsleiki að baki fyrir brasilíska landsliðið.