Það eru fjórir leikir á dagskrá í íslenska boltanum í dag, auk þess sem Íslandsmeistarar Víkings R. heimsækja UE Santa Coloma til Andorra eftir stórsigur í fyrri leiknum í Fossvogi.
Víkingur er aðeins 90 mínútum frá því að tryggja sér þátttöku í riðlakeppni í Evrópu í fyrsta sinn í sögunni. Víkingur verður þá annað liðið til að komast í Sambandsdeildina eftir að Breiðabliki tókst það í fyrra.
Í Lengjudeildinni spilar Grindavík við Þrótt R. í stórleik dagsins í Safamýrinni. Það eru aðeins þrjár umferðir eftir af venjulegu deildartímabilinu og sigla bæði lið lygnan sjó um miðja deild.
Þau þurfa bæði sigur hér í kvöld til að halda í veika von um að komast í umspil um sæti í Bestu deildinni á næsta ári.
Þá eru leikir í 2. deild kvenna og 4. deild karla þar sem spennan er að stigmagnast.
Fjölnir er í frábærri stöðu í kvennaboltanum á meðan Hamar þarf sigur í karlaboltanum.
Sambandsdeildin
18:00 UE Santa Coloma-Víkingur R. (Estadi Nacional)
Lengjudeild karla
19:15 Grindavík-Þróttur R. (Stakkavíkurvöllur-Safamýri)
2. deild kvenna - B úrslit
18:00 Fjölnir-Augnablik (Extra völlurinn)
4. deild karla
18:00 Hamar-Kría (Grýluvöllur)
19:15 KH-KÁ (Valsvöllur)
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 21 | 11 | 5 | 5 | 49 - 26 | +23 | 38 |
| 2. Fjölnir | 21 | 10 | 7 | 4 | 34 - 24 | +10 | 37 |
| 3. Keflavík | 21 | 9 | 8 | 4 | 33 - 24 | +9 | 35 |
| 4. ÍR | 21 | 9 | 8 | 4 | 30 - 25 | +5 | 35 |
| 5. Afturelding | 21 | 10 | 3 | 8 | 36 - 36 | 0 | 33 |
| 6. Njarðvík | 21 | 8 | 8 | 5 | 32 - 27 | +5 | 32 |
| 7. Þróttur R. | 21 | 7 | 6 | 8 | 32 - 29 | +3 | 27 |
| 8. Leiknir R. | 21 | 8 | 3 | 10 | 32 - 33 | -1 | 27 |
| 9. Grindavík | 21 | 6 | 7 | 8 | 38 - 44 | -6 | 25 |
| 10. Þór | 21 | 5 | 8 | 8 | 30 - 37 | -7 | 23 |
| 11. Grótta | 21 | 4 | 4 | 13 | 30 - 48 | -18 | 16 |
| 12. Dalvík/Reynir | 21 | 2 | 7 | 12 | 21 - 44 | -23 | 13 |
Athugasemdir
