Lestu um leikinn: Austurríki 1 -  1 Ísland

„Mér fannst við vinna okkur inn í leikinn eftir því sem leið á. Í seinni hálfleik fannst mér við eiga leikinn. Heilt yfir er þetta jákvæð tilfinning. Mér fannst við þurfa sex mínútur í viðbót og þá hefðum við skorað. Skallinn hennar Ollu er á síðustu sekúndunum; góður skalli sem hún ver vel. Þetta var alveg að koma."

Íslenska liðið fékk frábær færi og Guðrún, sem var að spila í vinstri bakverði, fékk sjálf tvö góð tækifæri.

„Ég hefði átt að skora í dag. Hornið sem markvörðurinn nær smá snertingu á. Þá næ ég ekki almennilegum skalla. Svo fæ ég 50/50 bolta við marklínuna sem fer yfir. Ég hefði átt að skora. Þetta snerist um millimetra," sagði Guðrún svekkt en það er margt jákvætt hægt að taka úr þessu samt sem áður fyrir næsta leik á þriðjudaginn, sem er einmitt gegn Austurríki aftur en heima á Laugardalsvelli.

„Ég er ógeðslega spennt að spila þennan leik. Við förum úr þessum leik með góða tilfinningu," sagði Guðrún.