Bestur í 14. umferð - Gunnar Þorsteinsson (Grindavík)
Gunnar Þorsteinsson.
„Þetta var ekki besta frammistaða mín í sumar en heilt yfir var ég þokkalega sáttur. Ég hef átt leiki þar sem ég hef lagt meira af mörkum til liðsins en eins og svo oft er þá vekja þeir mesta athygli sem skora mörkin. Þannig virkar bransinn. Leikur liðsins var ágætur, engin stjörnuframmistaða en við gerðum nóg til að klára leikinn sannfærandi. Við erum í þessu til að hala inn stig," segir Gunnar Þorsteinsson, miðjumaður Grindvíkinga.
Gunnar skoraði tvö mörk og hjálpaði Grindavík að vinna Leikni Fáskrúðsfirði 4-1 á útivelli í Inkasso-deildinni á laugardag. Grindvíkingar eru eftir sigurinn í 2. sæti í Inkasso-deildinni og ætla sér að fara upp í Pepsi-deildina.
„Við tölum ekkert í kringum það að stefnan er skýr, við förum upp," sagði Gunnar.
Eftir leikinn á laugardag hefur Grindavík skorað 36 mörk í 14 leikjum í sumar. Hver er lykillinn á bakvið það?
Gunnar skoraði tvö mörk og hjálpaði Grindavík að vinna Leikni Fáskrúðsfirði 4-1 á útivelli í Inkasso-deildinni á laugardag. Grindvíkingar eru eftir sigurinn í 2. sæti í Inkasso-deildinni og ætla sér að fara upp í Pepsi-deildina.
„Við tölum ekkert í kringum það að stefnan er skýr, við förum upp," sagði Gunnar.
Eftir leikinn á laugardag hefur Grindavík skorað 36 mörk í 14 leikjum í sumar. Hver er lykillinn á bakvið það?
„Til að byrja með eru fremstu fjórir hjá okkur auk sókndjarfra bakvarðanna allir framúrskarandi leikmenn. Alex Veigar hefur að öðrum ólöstuðum borið höfuð og herðar yfir aðra leikmenn deildarinnar. Þess utan erum við með einn besta sóknarþjálfara landsins í Jankó (Milan Stefán Jankovic). Hjá honum er ekki í boði að spila eftir þjóðvegi 1."
Gunnar spilaði í yngri flokkunum í Grindavík áður en hann fór í unglingalið Ipswich. Þaðan lá leið hans til ÍBV árið 2013. Eftir þrjú ár í Eyjum ákvað Gunnar að fara aftur til Grindavíkur síðastliðinn vetur.
„Mér fannst ég hafa staðnað dálítið í ÍBV og þurfti á nýrri áskorun að halda áfram að þróast sem leikmaður. Einnig spilaði inn í að ég hóf háskólanám síðasta haust í borginni. Ég ákvað að fara til Grindavíkur því ég vildi taka þátt í verkefni sem skiptir mig máli, að koma félaginu á þann stað sem það á að vera," sagði Gunnar sem hefur líkað vel á heimaslóðum í sumar.
„Fjölskyldan býr í Grindavík þannig það er gott að hitta þau daglega eftir að hafa búið í burtu í tæp fimm ár. Mér fannst ég hafa fjarlægst bæinn svolítið en hef endurnýjað tengslin við marga. Manni þarf að líða vel utan vallar til að staðið sig innan vallar."
Næsti leikur Grindvíkinga er á fimmtudag en þá mætir liðið Keflavík í Suðurnesjaslag. Leikurinn er mikilvægur en Grindavík er þremur stigum á undan Keflavík sem er í 3. sætinu.
„Það er mikið undir, einungis þrjú stig skilja liðin að. Þeir eru reyndir sem vóg þungt í fyrri leiknum þar sem við brugðumst undir pressunni. Við erum hinsvegar illviðráðanlegir á vellinum hans Begga," sagði Gunnar.
Verbúð 11 gefur verðlaun
Leikmaður umferðarinnar í Inkasso-deildinni fær 15 þúsund króna gjafabréf frá veitingastaðnum Verbúð 11 sem og kassa af Pepsi Max.
Sjá einnig:
Bestur í 13. umferð - Gunnlaugur F. Guðmundsson (Haukar)
Bestur í 12. umferð - Einar Orri Einarsson (Keflavík)
Bestur í 11. umferð - Hallgrímur Mar Steingrímsson (KA)
Bestur í 10. umferð - Sveinn Fannar Sæmundsson (Fjarðabyggð)
Bestur í 9. umferð - Alexander Veigar Þórarinsson (Grindavík)
Bestur í 8. umferð - Ásgeir Sigurgeirsson (KA)
Bestur í 7. umferð - Alexander Helgason (Haukar)
Bestur í 6. umferð - Elfar Árni Aðalsteinsson (KA)
Bestur í 5. umferð - Ivan Bubalo (Fram)
Bestur í 4. umferð - Gunnar Örvar Stefánsson (Þór)
Bestur í 3. umferð - Jósef Kristinn Jósefsson (Grindavík)
Bestur í 2. umferð - Arnar Aðalgeirsson (Haukar)
Bestur í 1. umferð - Stefán Ómar Magnússon (Huginn)
Athugasemdir
