Chelsea hefur haft yfirburði í enska kvennaboltanum á þessu ári. Í dag tryggði liðið sér sína fyrstu þrennu innanlands.
Úrslitaleikur FA-bikarsins frá síðasta tímabili var spilaður í dag, en honum var frestað vegna reglum í tengslum við kórónuveirufaraldurinn.
Chelsea spilaði við Arsenal fyrir framan rúmlega 40 þúsund áhorfendur á Wembley í London.
Sigur Chelsea var aldrei í hættu. Fran Kirby skoraði fyrsta markið snemma eftir mistök í vörn Arsenal og bætti hin ástralska Sam Kerr við tveimur mörkum í seinni hálfleiknum.
Chelsea var með yfirburði og er lið Emmu Hayes núna búið að vinna alla þrjá titlana í Englandi á þessu ár; ensku úrvalsdeildina, enska FA-bikarinn og deildabikarinn.
Núna vantar þessu stórkostlega liði bara að vinna Meistaradeildina.
Athugasemdir