Sjáðu mörkin: U15 landsliðið tapaði með þriggja marka mun fyrir Sviss

U15 ára landslið karla tapaði í gær 1-4 gegn Sviss í vináttulandsleik. Leikurinn fór fram á Eimskipsvellinum í Laugardal.

Liðin mætast aftur í vináttulandsleik á morgun fimmtudag og hefst sá leikur klukkan 11:00, en hann fer fram á sama velli.

Það var Hákon Arnar Haraldsson, leikmaður ÍA, sem skoraði mark Íslands í fyrri hálfleik en hann jafnaði þá í 1-1.

SportTv sýndi leikinn í beinni og má sjá mörkin í sjónvarpinu hér að ofan. Stöðin sýnir leikinn á morgun einnig í beinni.