Arnór Ingvi Traustason, leikmaður íslenska landsliðsins og Norrköpings, lýsti því yfir í hlaðvarpsþættinum ChessAfterDark fyrr í sumar að hann væri mjög svo opinn fyrir því að færa sig um set frá sænska félaginu.
Hann er algjör lykilmaður liðsins, besti leikmaður þess og átti frábært tímabil í fyrra.
Hann er algjör lykilmaður liðsins, besti leikmaður þess og átti frábært tímabil í fyrra.
Tony Martinsson, íþróttastjóri Norrköping, tjáði sig um Arnór við NT Sport. Hann er meðvitaður um að Arnór vill fara annað.
„Já, ég hélt persónulega að það myndi koma tilboð í hann eftir tímabilið æðislega sem hann átti í fyrra. En ekkert kom. Það er erfitt þegar þú verður eldri, að fá nægilega gott félag sem þú færð samt að spila í. Við skiljum stöðuna, við sjáum hvað gerist. Við tökum ákvörðun daginn sem það kemur tilboð."
Martinsson útilokar ekki sölu á Arnór. „Við tökum afstöðu þegar það kemur tilboð, ef eitthvað kemur upp."
Arnór sem er 31 árs og byrjunarliðsmaður í íslenska landsliðinu, hefur verið orðaður við Ítalíu og Þýskaland.
Arnór Ingvi Traustason er ekki á leiðinni til KR eða Íslands.
— Orri Rafn Sigurdarson (@OrriRafn) July 6, 2024
Stærsti áhuginn á Arnóri er frá Þýskalandi og Ítalíu en nokkur lið utan evrópu horfa einnig til hans.
Ekkert formlegt tilboð er á borðinu en það ætti að breytast á komandi dögum. #fotboltinet pic.twitter.com/Iu8O6zlrGF
Athugasemdir