Gulli er á góðri siglingu með Þróttara
Þróttur fékk Magna í heimsókn í kvöld í 16. umferð Inkassó-deildar karla og vann 5-3 sigur í einum skemmtilegasta leik sumarsins. Gunnlaugur Jónsson var sáttur með sigurinn en var ósáttur með kæruleysi í leik sinna manna og hrósaði Magna fyrir að skapa sér færi allan leikinn.
Lestu um leikinn: Þróttur R. 5 - 3 Magni
„Þetta var náttúrulega stórfurðulegur leikur, við vorum komnir 3-0 yfir eftir 12 mínútur svo er bara nett kæruleysi. Það hefði ekki verið hægt að segja neitt við því ef Magni hefði skorað 3 mörk í fyrri hálfleik. Það kemur ákveðinn værukærð og ég vil hrósa Magna-mönnum, þeir gefast aldrei upp og skapa færi út þennan leik."
Teitur Magnússon sem er á láni frá FH kom inná í hálfleik og einnig kom Baldur Hannes Stefánsson 16 ára strákur inná í sínum fyrsta leik. Gulli hrósaði þeim báðum í hástert og sagði þá frábæra íþróttamenn.
„Teitur Magnússon kemur inn í hálfleik og spilar frábærlega, Norðurlandameistarann okkar Baldur kemur inná í 20 mínútur og er frábær. Hann er að koma úr Norðurlandamóti þar sem hann spilar alla leiki, þetta er strákur sem á bjarta framtíð og er sannkölluð fyrirmynd fyrir yngri iðkendur."
Þróttur eru á mjög góðri siglingu og eru að nálgast toppsætin, Gulli segir að nú séu bara allir leikir úrslitaleikir hjá þeim.
„Við erum bara í úrslitaleikjum þessa daganna, við erum vissulega að nálgast toppliðin en þau þurfa að misstíga sig og við þurfum bara að sinna okkar leikjum og sjá til hvað það skilar okkur."
Athugasemdir
