Miðjumaðurinn Max Meyer hefur yfirgefið lið Crystal Palace en þetta staðfesti félagið í kvöld.
Meyer er 25 ára gamall en hann samdi við Palace árið 2018 eftir langa dvöl hjá Schalke í Þýskalandi.
Undanfarna mánuði hefur leikmaðurinn ekkert fengið að spila og alls komið við sögu í aðeins einum leik á tímabilinu.
Það var því sameiginleg ákvörðun félagsins og Meyer að rifta samningnum og er hann frjáls ferða sinna.
Meyer á að baki fjóra landsleiki fyrir Þýskaland og vakti mikla athygli með Schalke sem táningur á sínum tíma.
Athugasemdir