Mikael Neville Anderson.
Mikael Neville Anderson hefur verið algjör lykilmaður hjá AGF í Danmörku síðustu árin en hefur á sama tíma ekki fundið mikilvægt hlutverk í íslenska landsliðinu.
Mikael, sem er 26 ára, á að baki 16 landsleiki fyrir Ísland en hann hefur mikið verið í því að koma inn á sem varamaður.
Mikael, sem er 26 ára, á að baki 16 landsleiki fyrir Ísland en hann hefur mikið verið í því að koma inn á sem varamaður.
Á meðan er hann gríðarlega mikilvægur fyrir AGF en Age Hareide, landsliðsþjálfari, var spurður út í Mikael á fréttamannafundi í dag.
„Hann hefur verið með okkur í síðustu leikjum og staðið sig vel. Hann er líklega einn fljótasti leikmaður okkar og hann leggur mikið á sig," sagði Hareide.
„Það er mikilvægast að við finnum rétt hlutverk fyrir hann. Þá getur hann þróað sig í því hlutverki. Það er alltaf erfitt að breyta mikið. Við spilum öðruvísi en AGF. Þeir stilla upp í leikkerfi sem er eins og jólatré og hlutverk hans er öðruvísi með okkur. Við þurfum að finna stöðu sem passar vel fyrir hann."
Mikael hefur að undanförnu verið að finna sig vel inn á miðsvæðinu með AGF en hann getur líka spilað á báðum köntunum.
Athugasemdir
