Breytingin felur það í sér að íslenski landsliðsmaðurinn Mikael Neville Anderson var færður af kantinum og inn á miðsvæðið.

„Þú veist ekki hversu langt þetta getur farið og það eru bara fimm umferðir búnar. AGF-liðið hefur áður verið of þungt sóknarlega og ekki náð að skapa sér færi, en með einni, og aðeins einni breytingu, er AGF farið úr því að vera sársaukafullt að horfa á og í það að vera hrífandi," sagði Nielsen í danska sjónvarpinu.

„Breytingin felst í því að taka Mikael Anderson og færa hann frá vinstri kantinum yfir á miðjuna hægra megin."

Mikael hefur farið frábærlega af stað á nýju tímabili í Danmörku en hann hefur skorað eitt mark og lagt upp þrjú í fyrstu fimm deildarleikjunum.