Sigurvin Ólafsson, þjálfari Þróttar.
„Þetta er leikur sem við ætluðum að vinna kannski eins og alla aðra. Við erum bara slegnir kaldir.“
Lestu um leikinn: Þróttur R. 1 - 4 Fjölnir
Venni segir að Fjölnir hafi fundið neistann sem þeir þurftu.
„Við byrjum fínt, fáum tvö til þrjú fín færi áður en Fjölnismenn skora eftir horn. Þetta er lið sem hefur verið í lægð og upplifað mikið stemningsleysi þetta er kannski bara neistinn sem þeir þurftu. Maður sá stemninguna vaxa þeirra meginn og örvæntingin meira okkar meginn. Hvað þá þegar það kom 2-0 strax í kjölfarið. Við náðum ekki að fóta okkur eftir það.“
Var þetta vanmat hjá Þrótti R. í kvöld?
„Ekki eins og ég talaði um þennan leik fyrirfram. Ég veit að leikmennirnir löbbuðu ekki inn á völlinn haldandi að þetta væri auðveldur sigur ekki frekar en neinn annar leikur í þessari deild, Fjölnir er fínt lið. Utan frá séð lítur það út. Í raun og veru snýr þessi kafli í byrjun leiknum á hvolf.“
Venni talar um að Þróttararnir hafi verið linir í dag.
„Við spilum ekki vel. Ótrúlega mikið af misheppnuðum sendingum og röngum ákvörðunum. Við vorum mjög oft í fínum stöðum en gerðum illa úr því. Spilið aftast gekk hægt. Fjölnismenn voru seigir í því sem þeir voru að gera. Þeir bombuðu fram á senterinn sem að náði að taka hann niður. Það tókst hjá þeim í dag. Við vorum bara linir og á eftir þeim í sem þarf að vera til staðar í þínum leik sama á móti hverjum þú ert að spila við í þessari deild.“
Þetta var högg í magann fyrir Þróttara en Venni segist vongóður að Þróttarar munu svara fyrir þetta í næsta leik gegn HK í Kórnum.
„Að mörgu leyti hefur byrjunin verið góð. Þetta er högg í magann að tapa og tapa svona illa. Jákvæða hliðin, þú getur alltaf litið þannig á hlutina að það er jákvætt að fá góða og væna tusku í andlitið og vakna. Vonandi tekst okkur að lesa úr þessum leik, læra af því sem við gerðum vitlaust og koma dýrvitlausir í næsta leik til að rétta þetta af.“ sagði Venni að lokum.
Viðtalið við Sigurvin má sjá í heild sinni í spilaranum hér að ofan.
Athugasemdir
