„Geggjuð tilfinning. Þetta var mjög erfitt enda er Afturelding með mjög gott lið. Þetta var 50/50 leikur sem datt okkar meginn. segir Vuk Óskar Dimitrijevic, leikmaður Fram, eftir 1-0 sigur sinna manna gegn Aftureldingu í Mjólkurbikarnum.
Lestu um leikinn: Afturelding 0 - 1 Fram
Vuk lagði upp sigurmarkið með frábærri fyrirgjöf beint á kollinn á Frey Sigurðssyni.
„Ég var allt í lagi bara í dag. Mér fannst ég ekki vera frábær en ég gerði vel í markinu og það var flott."
Framarar gerðu vel í því að gefa nánast engin færi á sér eftir að hafa komist yfir.
„Liðsframmistaðan var góð. Rúnar talaði um að við þyrftum að berjast fyrir hvorn annan, fyrir liðið, sæti okkar í liðinu og fyrir sjálfan okkur. Við sýndum það í dag"
Fram er komið í undanúrslit í þar sem mótherjinn verður Vestri.
Við ætlum að fara alla leið. Vinna bikarinn og komast í Evrópu."
Athugasemdir
