Solomon er 25 ára gamall og hefur ekki tekist að finna taktinn með Tottenham í enska boltanum.

Hann hreif upprunalega þegar hann kom til Fulham á láni frá Shakhtar Donetsk eftir að Rússland réðst fyrst inn í Úkraínu. Tottenham ákvað að krækja sér í leikmanninn en hann hefur glímt við meiðslavandræði og ekki fengið mikið af tækifærum undir stjórn Ange Postecoglou.

Hann fær því að reyna fyrir sér á láni í Championship deildinni með Leeds sem stefnir á að vera með í toppbaráttunni á seinni hluta leiktíðar.

Solomon hefur skorað 7 mörk í 37 landsleikjum fyrir Ísrael.