West Ham United sló Bournemouth úr leik í enska deildabikarnum í gærkvöldi með sigurmarki frá Jarrod Bowen skömmu fyrir leikslok.
Bowen fékk þá skot frá Mohammed Kudus í höndina á sér og þaðan fór boltinn í netið.
Dómarateymi leiksins dæmdi markið gilt en það er ekkert VAR í fyrstu umferðum deildabikarsins og því ekki hægt að lagfæra mistökin.
Andoni Iraola þjálfari Bournemouth var svekktur að leikslokum en hans menn lentu einnig fyrir barðinu á rangri dómaraákvörðun í ensku úrvalsdeildinni um helgina.
Mögulegt er að Bowen hafi einnig verið í rangstöðu þegar Kudus hleypti skoti sínu af.
Sjáðu atvikið
Athugasemdir