Southampton er búið að selja Carlos 'Charly' Alcaraz til Flamengo í Brasilíu fyrir um 15 milljónir punda.
Alcaraz þykir afar efnilegur miðjumaður en hann er 21 árs gamall og gerði fína hluti hjá Southampton áður en hann fór til Juventus á lánssamningi í síðasta vetrarglugga, með 50 milljón evra kaupmöguleika.
Juve kaus gegn því að festa kaup á Alcaraz, sem fékk ekki mikinn spiltíma á lánssamningnum, og hélt Argentínumaðurinn efnilegi því aftur til Englands í sumar.
Alcaraz var ekki spenntur fyrir að vera áfram á Englandi og er sagður hafa verið himinlifandi þegar Flamengo og Southampton náðu samkomulagi um kaupverð.
Alcaraz gerir fimm ára samning við Flamengo.
BEM-VINDO, ALCARAZ! Confira alguns lances do novo reforço do Mengão! #AlcarazÉDoMengão pic.twitter.com/6QZEERwM2O
— Flamengo (@Flamengo) August 28, 2024
Athugasemdir