Lestu um leikinn: Fylkir 1 -  1 Stjarnan

„Já, ég er það," sagði hann við Fótbolta.net eftir leik. „Sérstaklega eftir hvernig seinni hálfleikurinn þróaðist. Að vísu byrjuðum við leikinn ekki alveg nógu vel og vorum svolítið passívir sóknarlega. Héldum boltanum ágætlega en vantaði að klára sóknirnar betur," hélt hann áfram.

„Mér fannst við koma vel gíraðir inn í seinni hálfleikinn en vorum heillengi að bíða eftir markinu. Fengum fínar stöður og vorum óheppnir með skot og svo framvegis. Það er kærkomið þegar það kom loksins og mér fannst við geta fengið þrjú stig og fengum færin til þess."

Það mátti heyra á Þorvaldi Örlygssyni að hann vildi fá harðari dóm þegar Djari Parfitt-Williams fék áminningu fyrir sniðglímu á lofti gegn Heiðari Ægissyni. En hvað fannst Óla, var Djair heppinn að fá ekki rautt?

„Ég sá það bara ekki alveg nógu vel. Þetta var eitthvað klafs sem ég sá ekki nógu vel og get ekki sagt til um það, ég þarf að sjá þetta."

Nánar er rætt við hann í spilaranum að ofan. Hann ræðir þar stöðuna á Arnóri Borg Guðjohnsen og Degi Dan Þórhallssyni og svarar einnig spurningu um afhverju Daði Ólafsson fær ekki að spila meira.

„Daði er einn af hópnum og það eru fleiri sem vilja fá að spila að sjálfsögðu. Daði kom mjög sterkur inn í þennan leik og gerði gott tilkall til að fá kallið í næsta leik. Við förum inn í Íslandsmótið saman sem lið og stefnum í sömu átt."