„Ég er nokkuð sáttur með frammistöðu liðsins. Mér fannst ekki mikið milli þessa liða í dag,'' segir Guðni Eiríksson, þjálfari FH, eftir 2-0 tap gegn Val í 3. umferð efri deild kvenna.
Lestu um leikinn: Valur 2 - 0 FH
„Það er í raun og veru eini munurinn á liðinum finnst mér að í dag að þær skoruðu tvö mörk en við ekki. Fyrir utan markaskorun þá var ekki mikill munur á þessum liðum.''
Liðið hjá FH er ungt og Guðni var spurður út í hvort þessi skipting deildinna sé nýttur í að gefa ungum stelpum séns til að sýna sig.
„Já algjörlega, við erum að horfa fram í tímann. Við notum þessa úrslitarkeppni sem við höfum að litlu að spila, þá er bara spurning þegar þannig er hvernig ætlum við að nýta þetta. Við erum að gefa leikmönnum tækifæri og það er gott að gefa þeim tækifæri á móti bestu liðunum,''
Aðeins tveir leikir eru eftir í Bestu deild kvenna og liggur FH í 6. sæti deildarinnar. Guðni var spurður út í hans mat á tímabilinu í ár.
„Samkvæmt plani í raun og veru. Við erum að spila í sumar á mjög ungu liði, miklu yngri en við ætluðum okkur og þetta er mikil reynsla fyrir unga leikmenn sem hafa fengið miklu stærri hlutverk þær áttu að fá. Við erum sátt með niðurstöðuna,'' segir Guðni í lokinn.
Hægt er að sjá viðtalið í heild sinni fyrir ofan.
