Gomes er 23 ára vængmaður Lille í Frakklandi, Livramento er varnarmaður Newcastle, Gibbs-White miðjumaður Nottingham Forest og Madueke vængmaður Chelsea. Allir spiluðu fyrir Carsley með enska U21 landsliðinu.

Gomes hjálpaði enska U21 landsliðinu að vinna Evrópumótið undir stjórn Carsley 2023. Hann var í ungingastarfi Manchester United en fór til Lille 2020.

England á tvo Þjóðadeildarleiki framundan. Liðið mætir Heimi Hallgrímssyni og lærisveinum í Írlandi 7. september og fær svo Finnland í heimsókn á Wembley þremur dögum síðar.

Carsley tók tímabundið við enska landsliðinu eftir að Gareth Southgate lét af störfum eftir EM í sumar.

Jack Grealish, sem var ekki valinn í lokahópinn fyrir EM, snýr aftur í landsliðshópinn og einnig Harry Maguire varnarmaður Manchester United.

Ivan Toney, Kyle Walker, Aaron Ramsdale og Marcus Rashford eru ekki í hópnum. Luke Shaw og Jude Bellingham ekki heldur en þeir tveir eru að glíma við meiðsli.

Enski landsliðshópurinn:

Markverðir: Dean Henderson (Crystal Palace), Jordan Pickford (Everton), Nick Pope (Newcastle United)

Varnarmenn: Marc Guehi (Crystal Palace), Ezri Konsa (Aston Villa), John Stones (Manchester City), Trent Alexander-Arnold (Liverpool), Levi Colwill (Chelsea), Rico Lewis (Manchester City), Tino Livramento (Newcastle), Harry Maguire (Manchester United)

Miðjumenn: Conor Gallagher (Atletico Madrid), Kobbie Mainoo (Manchester United), Declan Rice (Arsenal), Cole Palmer (Chelsea), Morgan Gibbs-White (Nottingham Forest), Angel Gomes (Lille), Phil Foden (Manchester City)

Sóknarmenn: Jarrod Bowen (West Ham), Eberechi Eze (Crystal Palace), Jack Grealish (Manchester City), Anthony Gordon (Newcastle United), Harry Kane (Bayern Munich), Noni Madueke (Chelsea) Bukayo Saka (Arsenal), Ollie Watkins (Aston Villa).