Greint var frá því í gær að Barcelona væri að blanda sér í kapphlaupið um miðjumanninn efnilega Stefan Bajcetic, sem Liverpool er tilbúið til að lána burt út tímabilið.
28.08.2024 17:45
Barcelona reynir að fá Bajcetic lánaðan frá Liverpool
Bajcetic virtist vera á leið til RB Salzburg á lánssamningi þegar Börsungar skárust í leikinn og reyndu að fá leikmanninn til að koma til sín í staðinn.
Sú tilraun gekk þó ekki upp þar sem Börsungar geta ekki leyft sér að fá Bajcetic inn í hópinn hjá sér án þess að brjóta fjármálareglur spænska fótboltasambandsins.
Því er búist við að Bajcetic haldi áfram í viðræðum við Salzburg og muni enda þar á láni út tímabilið.
„Við bjuggumst ekki við að Barca myndi bætast við kapphlaupið. Við erum með allt tilbúið fyrir Salzburg en framtíðin er í smá óvissu sem stendur því við vitum voðalega lítið um hvað er í gangi á bakvið tjöldin," sagði faðir Stefan Bajcetic við RAC1 á Spáni.
„Ég vil að Stefan spili fyrir topp félag eins og Barca eða Liverpool. Hann er tilbúinn fyrir það skref."
Pep Lijnders, fyrrum aðstoðarþjálfari Jürgen Klopp hjá Liverpool, er aðalþjálfari Salzburg í dag og hefur miklar mætur á Bajcetic. Lijnders vill ólmur fá hann til Salzburg.
Athugasemdir
