Íslandsmeistarar Víkings eru í Andorra þar sem þeir leika seinni leik sinn gegn Santa Coloma í umspili Sambandsdeildarinnar í kvöld klukkan 18 að íslenskum tíma.
Ekkert á að geta komið í veg fyrir að Víkingur tryggi sér sæti í Sambandsdeildinni, eftir að liðið vann 5-0 sigur í fyrri leiknum.
Ekkert á að geta komið í veg fyrir að Víkingur tryggi sér sæti í Sambandsdeildinni, eftir að liðið vann 5-0 sigur í fyrri leiknum.
Pablo Punyed, sem varð fyrir krossbandaslitum í sumar, ferðaðist með Víkingi til Andorra og hann kom færandi hendi fyrir Íslandsvininn Ildefons Lima.
Eftir 26 ár og 137 leiki lék Lima sinn síðasta landsleik fyrir Andorra á síðasta ári. Hann á lengsta landsliðsferil í sögu fótboltans.
Lima hefur nokkrum sinnum komið til Íslands, síðast með Inter Escaldes þegar liðið lék gegn Víkingi í umspilinu fyrir forkeppni Meistaradeildarinnar árið 2022.
Þegar Ísland og Andorra voru saman í undankeppni EM fyrir nokkrum árum var Lima duglegur að svara Íslendingum á samskiptamiðlinum sem þá hét Twitter.
Lima á eitt glæsilegasta treyjusafn sem hægt er að finna og nú hefur bæst enn frekar í safnið. Pablo gaf honum bæði treyju Víkings og einnig landsliðstreyju El Salvador. Pablo á 29 landsleiki að baki fyrir El Salvador.
Tremendo regalo ???????? de @PabloPunyed ????????que llegó a Andorra ???????? desde Islandia ????????, un honor sumar la camiseta de @LaSelecta_SLV ?????????? al Museo. Q me dices de esto @fernandopalomo ????????????????????????? #andorra #elsalvador #andorrafootballmuseum #AFM #vikingur #ísland #iceland #footballfriends pic.twitter.com/ebQ2LVTmm8
— Ildefons Lima Solà ???????? (@ildelima6) August 28, 2024
Athugasemdir