Santa Coloma 0 - 0 Víkingur R.
Lestu um leikinn
Víkingur er komið í deildarkeppni Sambandsdeildarinnar eftir markalaust jafntefli gegn Santa Coloma í Andorra í kvöld.
Víkingur vann fyrri leikinn örugglega 5-0 og var leikurinn í kvöld nánast formsatriði. Arnar Gunnlaugsson stillti upp sterku liði en leikurinn var ansi rólegur og markalaust jafntefli var niðurstaðan.
Árangur Víkinga er stórkostlegeur en liðið fetar í fótspor Breiðabliks sem var fyrst íslenskra liða til að spila í lokakeppni í Evrópukeppni á síðustu leiktíð.
Breiðablik lék þá í riðlakeppni Sambandsdeildarinnar en það er breytt fyrirkomulag í ár þar sem Víkingur mun spila sex leiki í deildakeppni. Þrjá leiki heima og þrjá á útivelli.
Það kemur í ljós á morgun hvaða lið verða andstæðingar Víkings í deildakeppninni.
