Fótbolti.net

Eru 22 saman í Sviss - „Áfram Vestri og áfram Guðrún"

„Hætt að borða nammi í Tenerife ferðinni þegar hún var tíu ára"

GunnInga í bláa hafinu: Styðjum liðið okkar í blíðu og stríðu

„Eru geggjaðir karakterar og munu bíta fast frá sér“

Tólfan spáir sigri - „Hef bara séð eina Noregstreyju“

Fékk leyfi til að fljúga beint frá Albaníu til Sviss

Einar Guðna þurfti ekki að hugsa málið - „Algjört draumastarf"

Halli: Er ekkert í þessu til að hefna fyrir eitt né neitt

Halli Hróðmars: Orðið ansi þungt leik eftir leik

Úlfur Ágúst: Ég reyndi og sem betur fer fór hann inn

Jökull: Við vorum líklegri og sköpuðum betri færi

Heimir Guðjóns: Vítið sem Stjarnan fékk var rangur dómur

„Ekki búin að því og ég veit ekki hvort maður muni gera það"

Svaf ekki mikið - „Þurfum að nota þetta sem spark í rassinn"

Sár, svekkt og leið - „Ég er ekki sú ferskasta núna"

„Þetta er ekki upplifun sem ég hef fengið áður"

Steini: Ég er með samning áfram

Guðrún: Mikið af knúsum og ekki mikið af orðum

Cecilía: Leiðinlegt að hafa ekki gert meira fyrir þau

Karólína Lea: Það er langt síðan ég hef grenjað svona

þri 04. júní 2024 23:27

Guðmundur Aðalsteinn Ásgeirsson
Laugardalsvöllur

Karólína: Ég vissi að Halla myndi mæta

Karólína Lea Vilhjálmsdóttir.

Mynd: Fótbolti.net - Hafliði Breiðfjörð

Halla Tómasdóttir í stúkunni í kvöld.

Mynd: Fótbolti.net - Haukur Gunnarsson

„Mér fannst við eiga að vinna þennan leik og við gerðum það mjög vel," sagði Karólína Lea Vilhjálmsdóttir, leikmaður Íslands, eftir 2-1 sigur gegn Austurríki í afar mikilvægum leik í undankeppni EM 2025.

Lestu um leikinn: Ísland 2 - 1 Austurríki

Það var mikill vindur á meðan leik stóð og aðstæður erfiðar, en íslenska liðið gerði betur í þeim.

„Ég og Sveindís vorum eiginlega bara hlæjandi þarna fremst. Þetta var hrikalega erfitt. Sendingin þurfti að vera fullkomin þegar við vorum með vindinn í bakið og erfitt að koma honum á okkur í fyrri hálfleik. En mér fannst við gera frekar gott úr þessu."

Karólína átti frábærar hornspyrnur í seinni hálfleik og nýtti vindinn vel. Hún setti tvær þeirra í stöngina og sú þriðja rataði beint á Hildi Antonsdóttur í sigurmarkinu.

„Það var engin heppni með mér þarna, sem er smá pirrandi, en ég skora bara næst. Ég og Ási aðstoðarþjálfari æfðum þetta aðeins í gær. Maður sá í fyrri hálfleiknum hvernig þær voru að taka þetta. Ég reyndi að koma þessu á markið og það var leiðinlegt að þetta fór ekki inn," sagði Karólína og um sigurmarkið sagði hún:

„Það var rosalega gaman. Í útileiknum áttum við fínar hornspyrnur og vorum að fá sénsa. Það var hrikalega sætt að sjá hann inni."

Halla Tómasdóttir, nýkjörinn forseti Íslands, var mætt á völlinn til að styðja við bakið á stelpunum.

„Ég vissi að Halla myndi mæta. Ég þekki hana aðeins. Mér finnst hrikalega spennandi að hún sé orðin okkar forseti. Það var hrikalega gaman að sjá hversu margir mættu og sérstaklega í þessu hræðilega veðri. Ég fékk að leiða litlu frænku mína inn á sem var extra sætt fyrir mig. Það gaf mér auka orku."

Hægt er að sjá allt viðtalið í spilaranum hér að ofan