Haukakonur unnu magnaðan en um leið dramatískan 4-3 sigur á KR í 10. umferð 2. deildar kvenna á BIRTU-vellinum í Hafnarfirði í kvöld.
Haukar og KR voru bæði taplaus fyrir viðureignina í kvöld og mátti því búast við hörkuleik.
Heimakonur náðu þriggja marka forystu í leiknum. Elín Björg Norðfjörð Símonardóttir skoraði úr víti á 17. mínútu og gerði Glódís María Gunnarsdóttir annað markið tveimur mínútum síðar.
Halla Þórdís Svansdóttir virtist svo gott sem gera út um leikinn með þriðja markinu og Haukakonur komnar í þægilega forystu en KR-ingar lögðu ekki árar í bát.
Emilía Ingvadóttir minnkaði muninn á 59. mínútu og gerði síðan annað mark sitt á 82. mínútu. Fimm mínútum síðar jöfnuðu þær leikinn með marki Kötlu Guðmundsdóttur. Ótrúleg endurkoma og allt stefndi í jafntefli áður en Elín Björg gerði sigurmarkið fyrir Hauka á 89. mínútu.
Sjö mörk og hádramatík en það eru Haukar sem tóku öll stigin í þessum stórmeistaraslag. Haukar eru á toppnu með 28 stig og áfram taplausar en KR í 3. sæti með 20 stig.
Dalvík/Reynir og Einherji gerðu 1-1 jafntefli á Dalvík. Krista Sól Nielsen skoraði mark heimaliðsins á 69. mínútu en Carla Cuadros jafnaði tíu mínútum fyrir leikslok.
Þetta var annað stigið sem Dalvík/Reynir nær í á tímabilinu og er liðið nú komið upp úr fallsæti en Einherji er í 4. sæti með 20 stig.
ÍH vann þá sterkan 4-1 útisigur á KH. Hrönn Haraldsdóttir, Hafrún Birna Helgadóttir, Hanna Kallmaier og Hildur Katrín Snorradóttir gerðu mörk ÍH.
Sigurinn kom ÍH upp í 5. sæti deildarinnar með 19 stig en KH í sætinu fyrir neðan með 16 stig.
Úrslit og markaskorarar:
Dalvík/Reynir 1 - 1 Einherji
1-0 Krista Sól Nielsen ('69 )
1-1 Carla Martínez Cuadros ('80 )
KH 1 - 4 ÍH
0-1 Hrönn Haraldsdóttir ('7 )
0-2 Hafrún Birna Helgadóttir ('15 )
1-2 Ágústa María Valtýsdóttir ('43 , Mark úr víti)
1-3 Hanna Kallmaier ('43 )
1-4 Hildur Katrín Snorradóttir ('50 )
Haukar 4 - 3 KR
1-0 Elín Björg Norðfjörð Símonardóttir ('17 , Mark úr víti)
2-0 Glódís María Gunnarsdóttir ('19 )
3-0 Halla Þórdís Svansdóttir ('51 )
3-1 Emilía Ingvadóttir ('59 )
3-2 Emilía Ingvadóttir ('82 )
3-3 Katla Guðmundsdóttir ('87 )
4-3 Elín Björg Norðfjörð Símonardóttir ('89 )
2. deild kvenna
Lið | L | U | J | T | Mörk | mun | Stig |
---|---|---|---|---|---|---|---|
1. Haukar | 12 | 10 | 1 | 1 | 58 - 18 | +40 | 31 |
2. Völsungur | 12 | 9 | 2 | 1 | 44 - 7 | +37 | 29 |
3. KR | 12 | 9 | 2 | 1 | 48 - 12 | +36 | 29 |
4. Einherji | 12 | 7 | 2 | 3 | 30 - 18 | +12 | 23 |
5. ÍH | 12 | 7 | 1 | 4 | 50 - 23 | +27 | 22 |
6. Fjölnir | 12 | 6 | 2 | 4 | 35 - 17 | +18 | 20 |
7. KH | 12 | 5 | 1 | 6 | 19 - 34 | -15 | 16 |
8. Augnablik | 12 | 5 | 0 | 7 | 26 - 37 | -11 | 15 |
9. Sindri | 12 | 3 | 2 | 7 | 27 - 57 | -30 | 11 |
10. Dalvík/Reynir | 12 | 2 | 3 | 7 | 15 - 45 | -30 | 9 |
11. Álftanes | 12 | 2 | 2 | 8 | 25 - 37 | -12 | 8 |
12. Vestri | 12 | 2 | 2 | 8 | 11 - 40 | -29 | 8 |
13. Smári | 12 | 0 | 2 | 10 | 7 - 50 | -43 | 2 |
Athugasemdir