Það vægast sagt sauð allt upp úr eftir leik Kólumbíu og Úrúgvæ í undanúrslitum Copa America í Charlotte í Bandaríkjunum í nótt.
Mikill hiti var í leiknum sjálfum og var rífandi stemning í stúkunni, en þegar flautað var til leiksloka þá hækkaði hitastigið heldur mikið.
Stuðningsmenn Kólumbíu voru í miklum meirihluta í stúkunni eða um 90 prósent.
Lítill hluti af stuðningsmönnum Úrúgvæ fóru að slást við kólumbíska stuðningsmenn.
Kólumbíumennirnir köstuðu flöskum og öðru eins í átt að stuðningsmönnunum, en þar voru eiginkonur og börn leikmanna úrúgvæska landsliðsins.
Darwin Nunez, leikmaður Liverpool og Úrúgvæ, var fljótur að koma sér upp í stúku og eltu nokkrir leikmenn. Nunez reyndi að koma þeim frá fjölskyldunum og lenti þar í áflogum.
Fékk hann eitt þungt högg en það sá ekki á honum í myndbandi sem var birt um klukkutíma eftir atvikið. Óvíst er hverjir eftirmálarnir verða í þessu máli.
„Þetta er stórslys. Fjölskyldur okkar voru í hættu. Við þurfum að fara upp í stúku til að fjarlægja ástvini og lítil börn. Sum sem voru kornung. Þetta er eitt stórt stórslys. Það var ekki einn lögreglumaður á svæðinu,“ sagði Jose Maria Gimenez, fyrirliði Úrúgvæ, eftir leikinn.
This footage shows a bit clearer what happened between Darwin Nuñez and the Colombian fans. pic.twitter.com/AHKjDGIj42
— Uruguay Football ENG (@UruguayFootENG) July 11, 2024
Leikmenn náðu að koma fjölskyldumeðlimum niður á völl og í öryggi. Skelfilegar kringumstæður og arfaslök gæsla hjá Bandaríkjamönnum sem munu halda HM eftir tvö ár.
Darwin Núñez consoling his son after the altercation that took place at full time v Colombia.
— LFC Transfer Room (@LFCTransferRoom) July 11, 2024
Supposedly drunk Colombia fans ‘avalanched’ the families of the Uruguayan players which is when Darwin & other players went up to the stands to fight them. pic.twitter.com/0zsK7xy1PH
Athugasemdir