Immobile er 34 ára gamall sóknarmaður sem hefur átt fast sæti í liði Lazio síðan hann kom frá Torino fyrir átta árum.

Framherjinn hefur án nokkurs vafa verið þeirra mikilvægasti leikmaður síðustu ár. Þrisvar sinnum endaði hann markahæstur í Seríu A en öll þau ár var hann valinn í lið ársins.

Á síðustu leiktíð skoraði hann aðeins 7 mörk í deildinni og er Lazio nú tilbúið að leyfa honum að yfirgefa félagið.

Tyrkneska félagið Besiktas er að ganga frá viðræðum við Lazio en Immobile hefur þegar náð samkomulagi um kaup og kjör.

Hann mun gera tveggja ára samning við Besiktas sem hafnaði í 6. sæti deildarinnar á síðasta tímabili.