Dani Olmo, einn af bestu leikmönnum spænska landsliðsins á Evrópumótinu, er falur fyrir 50 milljónir evra en þó aðeins til mánudags.
Sóknartengiliðurinn hefur verið frábær á EM til þessa. Hann er kominn með þrjú mörk á mótinu og á möguleika áð taka markakóngstitilinn í úrslitaleiknum gegn Englendingum á sunnudag.
Olmo er 26 ára gamall og á mála hjá RB Leipzig í Þýskalandi, en samkvæmt erlendum miðlum er hann með kaupákvæði í samningi sínum.
Félög geta fest kaup á honum fyrir aðeins 50 milljónir evra, en kaupákvæðið rennur út á mánudag.
Hann hefur verið orðaður við Barcelona, Bayern München og Manchester City síðustu vikur.
Það verður gaman að sjá hvort eitthvað félag ákveður að virkja kaupákvæðið um helgina.
Athugasemdir