Simons kom að 25 mörkum með Leipzig á síðustu leiktíð, þá á láni frá PSG.

Hann átti þá fínasta Evrópumót með Hollendingum þar sem hann lagði upp þrjú mörk og skoraði eitt.

Sky í Þýskalandi segir að Bayern München ætli að reyna við hann í sumar.

PSG er opið fyrir því að fara í viðræður en líklegast er að hann verði lánaður aftur. Bayern mun keppast við Leipzig og nokkur ensk félög um undirskrift hans.

Max Eberl, yfirmaður íþróttamála hjá Bayern, vinnur hörðum höndum að því að sannfæra Simons og PSG.

Kompany vill spila Simons á miðjunni fyrir framan Joao Palhinha, sem verður kynntur á næstu dögum.