The Sun fjallaði um leikinn og þar sagði að Mbappe hefði átt martraðarleik í liði Real Madrid sem skortir jafnvægi. Á meðan tók Goal saman ummæli frá stuðningsmönnum Real Madrid þar sem Mbappe var harðlega gagnrýndur fyrir frammistöðu sína.

Þetta var bara fyrsti leikur Frakkans í La Liga en hann stóðst ekki prófið og upp vakna spurningar hvernig best sé að koma öllum stjörnunum fyrir í liðinu.

Mbappe hitti tennisstjörnuna Rafael Nadal eftir leikinn og ákvað að gefa honum treyju sína.

Það er spurning hvort leiðin liggi bara upp á við hjá Mbappe eftir þessa erfiðu byrjun.