Margir hlauparar hlupu til að safna styrkjum fyrir hin ýmsu málefni á meðan einhverjir hlupu í minningu ættingja eða ástvina og aðrir upp á gamanið.

Þýski fjölmiðlamaðurinn Andreas Turnsek var meðal þátttakenda þar sem hann mætti til Reykjavíkur til að hlaupa í minningu Atla Eðvaldssonar.

Atli lék fyrir Fortuna Düsseldorf frá 1981 til 1985, en Andreas er frá Düsseldorf og hélt mikið upp á Atla.

Atli lést árið 2019 og ákvað Andreas að minnast hans með að hlaupa Reykjavíkurmaraþonið fimm árum eftir andlátið.

KSÍ greindi frá fyrirhugaðri komu Andreas til landsins þremur vikum fyrir maraþonið og fór Andreas í ítarlegt viðtal sem birtist í Morgunblaðinu 24. ágúst.