Miðjumaðurinn Oliver Skipp er genginn í raðir Leicester frá Tottenham en félögin staðfestu þetta núna rétt áðan.
Kaupverðið er í kringum 25 milljónir punda.
Kaupverðið er í kringum 25 milljónir punda.
Skipp er 23 ára gamall. Hann er uppalinn hjá Tottenham og kom í heildina við sögu í 106 leikjum fyrir félagið. Hann kom við sögu í 24 leikjum á síðustu leiktíð en hann hefur aldrei átt fast sæti í byrjunarliði Tottenham.
Skipp hefur einu sinni verið lánaður út, þegar hann fór til Watford tímabilið 2020-21 og stóð sig afar vel í Championship deildinni.
Hjá Leicester mun hann hitta gamlan liðsfélaga sinn, Harry Winks.
Leicester og Tottenham mætast einmitt í lokaleik 1. umferðar ensku úrvalsdeildarinnar í kvöld.
Athugasemdir