Mikael Neville Anderson var í byrjunarliði AGF þegar liðið vann stórsigur á Vejle í dönsku deildinni í kvöld.
AGF var 3-1 yfir í hálfleik en Mikael kom AGF í 4-1 með marki eftir klukkutíma leik. AGF bætti við einu marki í viðbót. 5-1 lokatölur.
Liðið er í 4. sæti deildarinnar með 10 stig eftir fimm umferðir.
Róbert Orri Þorkelsson var í byrjunarliði Kongsvinger þegar liðið gerði 1-1 jafntefli gegn Bryne í næst efstu deild í Noregi. Óskar Borgþórsson spilaði 79 mínútur þegar Sogndal tapaði 3-0 gegn Moss.
Kongsvinger er með 29 stig í 8. sæti eftir 19 umferðir en Sogndal er í 6. sæti með 30 stig.
???????? AGF 4-1 Vejle | Mikael Andersonpic.twitter.com/irdMxPrZZU
— PushGoals (@PushGoals) August 19, 2024
Athugasemdir