Völsungur lagði Einherja að velli, 1-0, er liðin áttust við í A-úrslitum 2. deildar kvenna á Vopnafirði í dag.

Leikurinn var gríðarlega mikilvægur fyrir bæði lið. Einherji átti enn möguleika á að koma bakdyramegin inn í toppbaráttuna á meðan Völsungur þurfti sigur til að halda í við Hauka og KR.

Húsvíkingar gerðu út um vonir Einherja í leiknum í kvöld. Sonja Björg Sigurðardóttir skoraði sigurmark Völsungs á 39. mínútu og þar við sat.

Völsungur er áfram í 3. sæti með 32 stig, stigi á eftir Haukum og KR, en Einherji í 4. sæti með 24 stig. Útlit fyrir þriggja hesta baráttu um tvö laus sæti í Lengjudeildina.